Çindən 20min qutu ipəkqurdu toxumları gətirildi

Agroexpert.az saytı AzərTac-a istinadən xəbər verir ki,

Kənd Təsərrüfatı Nazirliyi tərəfindən Çin Xalq Respublikasından 20000 qutu hibrid ipəkqurdu sənaye toxumları (qrena) gətirilib.
ipəkqurdu - ipəkçilik
  • Ölkəyə gətirilən hibrid tut ipəkqurdu sənaye toxumlarının keyfiyyətinə nəzarətin gücləndirilməsi,
  • Cinslər üzrə toxum materialının seçiminin düzgün aparılması,
  • Yarana biləcək çətinliklərin yerində həll edilməsi məqsədilə

nazirliyin Təhsil və təlim şöbəsinin müdiri İmran Cümşüdov, Qax Damazlıq İpəkçilik Stansiyasının direktoru Əkrəm Fətəliyev, Zərdab Rayon İcra Hakimiyyəti başçısının müavini Pərvin Mahmudova və “Azəripək” MMC-nin direktoru Nizami Qəribov aprelin 16-dan 23-dək Çin Xalq Respublikasına ezam olunublar.

Şandon əyalətində fəaliyyət göstərən Super elit, elit, hibrit ipəkqurdu toxumu istehsalı müəssisələrinin fəaliyyəti, maddi-texniki bazası ilə yaxından tanış olublar. Yeni intensiv üsulla salınmış tut plantasiyalarına baxış keçirilib. Bu şirkətlərin istehsal etdiyi ipəkqurdu toxumlarının bir hissəsi yerli tələbat üçün istifadə edilir, qalan hissəsi isə Özbəkistan, Tacikistan və Azərbaycana ixrac olunur.

Çin Xalq Respublikasından 20 min qutu yüksək keyfiyyətli, məhsuldar hibrid ipəkqurdu sənaye toxumları nümayəndələr tərəfindən yerində seçilib, onların iştirakı ilə qablaşdırılıb. 23-də təyyarı ilə ölkəmizə gətirilib.

  • Ölkəyə gətirilən toxumların 16875 qutusu Qax Damazlıq İpəkçilik Stansiyasında,
  • 3125 qutu isə Zaqatala, Balakən və Ucar rayonlarında fəaliyyət göstərən kümçülər tərəfindən inkubasiyaya qoyulub.

İnkubasiyadan əldə olunmuş ipək qurdlarının mayın birinci on günlüyünə qədər müvafiq rayonların kümçülərinə bölgü əsasında paylanılması nəzərdə tutulub.

Leave a Reply

Your email address will not be published. Required fields are marked *

error: Content is protected !!