Çindən gətirilən 1 milyon tut tingi pulsuz paylanacaq

Azərbaycanda baramaçılığın və ipəkçiliyin inkişafına dair 2018-2025-ci illəri əhatə edən Dövlət Proqramı uğurla davam etdirilir. Baramaçılığın yem bazasının genişləndirilməsi, yeni tut (çəkil) bağlarının salınması üçün KTN tərəfindən Çin Xalq Respublikasından calaq olunmuş yüksək yarpaq çıxımına malik, iqlim şərtlərinə davamlı tinglərin gətirilməsi prosesi həyata keçirilir.

Bu məqsədlə Çin Xalq Respublikasından Azərbaycana 1 milyon ədəd tut tingi gətirilib.

Tinglərə Heydər Əliyev Hava Limanında Kənd Təsərrüfatı Nazirliyinin (KTN) əməkdaşları tərəfindən baxış keçirilib. Bildirilib ki, tut tingləri müəyyən olunmuş bölgülər üzrə rayonlarda baramaçılıq sahəsində fəaliyyət göstərən fermerlərə pulsuz paylanacaq. Bu tinglər calaq olunduğu üçün:

  1. iqlimin əlverişsiz amillərinə qarşı dözümlüdür,
  2. yaşıl kütlə çıxımının  keyfiyyətli olması səbəbindən barama qurdundan əldə olunan məhsul da bazar rəqabətinə davamlıdır.
Xatırladaq ki, indiyə qədər ölkəyə 3,5 milyon ədəd tut tingi gətirilib.
  • 2016-cı ildə Çin Xalq Respublikasından 1,5 milyon tut (çəkil) tingi,
  • 2017-ci ildə 1 milyon, 
  • 2018-ci ildə isə əlavə olaraq yenidən 1 milyon ədəd

tut tingi gətirilib. Çinli mütəxəssislərin müşayiəti ilə 38 rayonda intensiv tipli tut bağlarının salınması təmin olunub. Tut tinglərinin əkilməsi və digər qulluq işlərinin həyata keçirilməsində fermerlərə müvafiq məsləhət xidmətləri göstərilməkdədir.

agroexpert_az tut tingelri

Dövlət başçısının 2017-ci il 6 oktyabr tarixli Sərəncamlarına uyğun olaraq

  • Qax Damazlıq İpəkçilik Stansiyasının bərpası,
  • əlavə istehsal sahələrinin yaradılması və müasir avadanlıqlarla təchiz olunması,
  • habelə tut (çəkil) tinglərinin və barama toxumlarının tədarük edilməsi,
  • məhsul istehsalçılarına əvəzsiz verilməsi məqsədilə

silsilə tədbirlər həyata keçirilib. Barama istehsalı ilə məşğul olan şəxslərə emal müəssisələrinə təhvil verdikləri baramanın hər kiloqramına görə 5 manat məbləğində subsidiyanın, 4 manat isə emal müəssisəsi tərəfindən verilməsi bu sahəyə marağı daha da artırıb.

Hazırda respublikamızın 38 rayonunun əhatə edən 5543 nəfər  istehsalçının bu sahədə məşğulluğu təmin edilib. Nəticədə, 2019-cu ildə 641 ton barama istehsalına nail olunub və dövlət büdcəsi hesabına 3 milyon 100 min manat subsidiya ödənilib.

Bu il ilk dəfə olaraq Zərdab rayonunda 300 qutu, Tərtər rayonunda isə 50 qutu tut ipəkqurdunun ikinci yemləməsi həyata keçirilib. Hər qutu ipəkqurdundan 20 kq olmaqla cəmi 7 min kq yaş barama isrehsal edilərək emal müəssisələrinə təhvil verilib. İpəkçilik üzrə Dövlət Proqramının icrası ilə bağlı 2019-cu il üçün investisiya proqramına uyğun olaraq Zərdab, Füzuli, Bərdə, Ağsu, Zaqatala rayonlarının hər birində

  • istehsal gücü 200 ton olan barama qurutmaxanalarının,
  • 120 kvadratmetr sahəsi olan inkubasiya otaqlarının

tikintisinə başlanıb.

Dövlət Proqramına uyğun olaraq yaxın illərdə baramaçılığın güclü inkişafını təmin etmək məqsədilə:

tut bağlarının sahəsinin artırılması, Aqrar Elm və İnnovasiya Mərkəzinin Baytarlıq Elmi-Tədqiqat İnstitunun ixtisaslaşmış laboratoriyasında süni yem istehsalına nail olmaqla barama istehsalının həcminin artırılması planlaşdırılır.

Eyni zamanda, barama istehsalçılarının üzləşdikləri problemlərin operativ həll edilməsi məqsədi ilə KTN-də 11 nəfərdən ibarət Barama İstehsalçıları Şurası yaradılıb. Bu şura yaxın gələcəkdə sahənin strateji inkişafının təmin edilməsi üçün öz tövhəsini verəcək.

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir