Hansı qidanı yeməkdən çox, necə yemək önəmlidir

Bilirik ki, sağlam həyat tərzi sağlam qidalanma olmadan mümkün deyil. Buna görə də sağlam qidalanmaq bir həyat fəlsəfəsidir. İnsan nəyi, nə zaman və nə qədər yediyini özü müəyyən edir. Əgər bunu edərkən sağlam qida qaydalarına riayət edərsə, o zaman bütün lazımsız xəstəliklərdən azad olar. Müasir dövürdə qida çeşidləri olduqca çoxdur.

agroexpert_az qida- saglam qida
  • Yenidən emal edilmiş qida məhsulları istehsalındakı artım,
  • Sürətli urbanizasiya və həyat tərzindəki dəyişikliklər

qida rejiminin başqa istiqamətə yönəlməsinə gətirib çıxarmışdır. Əhali daha çox

  • yüksək enerji tutumlu qida məhsulları,
  • doymuş yağlar,
  • şəkər və ya duzdan istifadə edir.
  • meyvə, tərəvəz və dənli bitkilərə isə qidada yetərincə yer vermirlər.

Qida rasionunda və həyat tərzindəki bu dəyişikliklər inkişaf etmiş ölkələrdə məhz xroniki qeyri-infeksion xəstəliklərin insanın əmək qabiliyyətini itirməsinə və vaxtından əvvəl ölümlərə gətirib çıxaran əsas səbəblərdəndir. 

Piylənmə, şəkərli diabet, ürək-damar xəstəlikləri, yüksək qan təzyiqi və insultlar, xərçəngin bəzi növləri

Xilas olmaq üçün biz hansı qidanın daha xeyirli və faydalı, hansının isə ziyanlı olduğu haqqında düşünməli və doğru seçim etməliyik. Bilirik ki, təbii qidalar kənardan kimyəvi müdaxilə olmadan, təbiətin bizə bəxş etdiyi məhsullardır. Ancaq onların da istifadə qaydasına diqqət etmək vacibdir. Bugün həmin qaydalardan bəhs edəcəyik.

C vitamini
C vitamini ilə zəngin qidaları qəbul etmək qandakı “pis” xolesterolun səviyyəsini azaldır. Qreyfrut daha faydalıdır.

Meyvə və tərəvəzlər qidalanmada eyni funksiya daşıyır, buna görə də  bir-birini əvəzedici xüsusiyyətə malikdirlər. Belə ki, bir gün yalnız tərəvəz, başqa gün isə yalnız meyvədən istifadə oluna bilər. Kartofu istisna etməklə gün ərzində cəmi 300-400 qram (təmiz çəki) meyvə və tərəvəz qəbulu məsləhət görülür.

Bütün yağlar ziyanlı deyil. Faydalı yağlar əsasən tərəvəzlərdə və balıqda yerləşir. 

Bitki yağından 1-2 xörək qaşığı istifadə etmək yağlara olan tələbatı tam ödəmək üçün yetərlidir. Qidalanmada şəkər qəbulunu 40-50 qram (5-6 çay qaşığı) azaltmaq məsləhətdir. Yadda saxlamaq lazımdır ki, konfet, mürəbbə, bal həmçinin şəkərdir, şokolad, pirojna və tortlarda isə şəkərlə yanaşı böyük miqdarda yağlar vardır.

  • Yağsız ətlərə üstünlük vermək, ət üzərində olan yağları və toyuq əti üzərindən dərini ayırmaq;
  • Daha çox meyvə-tərəvəz yemək, salatları isə duru yağlarla hazırlamaq lazımdır;
  • Mal (qoyun) ətini balıq və ya hər hansısa quş ətiylə əvəz etmək;
  • Həftədə bir-iki dəfə balıq yemək;
  • Yulaf yarmasından hazırlanmış sıyıq yemək (əsasən də səhər naharına);
  • Yeməkləri hazırlayarkən duru yağlardan istifadə etmək;
  • Süd məhsulları qəbul edin, yağlılığı az olan və ya tam yağsız;
Xörək duzu istifadəsini məhdudlaşdırın. Duzlu qidanın qəbulu arterial təzyiqin artmasına səbəb olur. 
  • Hisə verilmiş məhsulları, kolbasa, sosiska, fri kartof, çipsilər,
  • Hotdoqlar, hamburgerləri “menyudan” çıxarmaq;
  • Kofeni az qəbul etmək;
  • Spirtli içkilərdən uzaq olmaq (qırmızı çaxır azca qəbul etmək olar).

Düzgün qidalanma saatları…

Sözün həqiqi mənasında yaxşı yaşamaq üçün düzgün və sağlam qidalanmağı seçin.

Leave a Reply

Your email address will not be published. Required fields are marked *

error: Content is protected !!