Hər yaşa uyğun pəhrizlər

Hər yaşa uyğun pəhrizlər var. Bu pəhrizləri mütəxəssislər uzun müddətli müşahidə və təcrübələrə əsasən hazırlayıblar.Yaşa uyğun pəhrizin digərlərindən əsas fərqi uzun müddətli olmasıdır.

15-25 yaş arası şəxslər üçün

Cavanlıq sizin müttəfiqiniz, düşməniniz isə hər hansı rejimin olmamasıdır. Gözəl və qədd-qamətli görünmək üçün xüsusi “cavan” pəhriz saxlayın. Onun əsas xüsusiyyəti tərkibində lazımi kalorinin olmasıdır: 1800-2000 .Bu pəhrizin vacib komponentləri dəmir və kalsiumdur. Dəmir qan hüceyrələrinin formalaşması üçündür (ən çox yeniyetmə qızlar dəmirə ehtiyac duyur). Ət və tərəvəzdə (xüsusilə göyərtidə) dəmir çoxdur. Kalsium isə sümüklərin bərkiməsi üçündür. Ağartı məhsulları, pendir, yumurta, mineral su kalsiumla zəngindir.

Sizin menyunuz: 15+ yaş:      
  • Səhər yeməyi: yarım qreypfrut və 2 kivi; soyutma yumurta, qəhvə və ya şəkərsiz çay.
  • Nahar yeməyi: çiy tərəvəz və ya salat (mayonezsiz); ağ ət (toyuğun döş əti, hind toyuğu); yaşıl tərəvəzlər (brokkoli, noxud, lobya); bir dilim çörək; qatıq və ya meyvə.
  • Şam yeməyi: tərəvəz şorbası və ya salat; yumurta və ya tərəvəzli balıq; qatıq.

25-45 yaş arası olan şəxslər üçün

Məhz bu yaşda qadınlar artıq çəki yığır: oturaq həyat tərzi, səhv qidalanma, hamiləlik, stresslər. Arıqlamaq və formada qalmaq üçün bir neçə sadə qaydaya əməl etmək lazımdır: hər şey, amma az miqdarda yeyin. Müəyyən vaxtda və tələsmədən yeyin. Süfrəyə ac olmadan oturmaq lazımdır. Masadan tam doymuş hissi ilə qalxmayın (20 dəqiqədən sonra  yenə yemək istəsəniz, deməli acsınız, meyvə salatı yeyin). Yarımfabrikatlardan uzaq durun, çünki onlarda duz və piy çoxdur. Qida rasionunuzda həmişə yağlı balıq, sarımsaq, tərəvəz olmalıdır. Antioksidantlarla zəngin olan balıq vaxtsız qırışların və ürək problemlərinin qarşısını alır. Sarımsaq xolesterinin səviyyəsini aşağı salır, qan dövranını yaxşılaşdırır, sellülitlə mübarizə aparır. Tərəvəz isə orqanizmin yaxşı çalışması üçündür. Gün ərzində 2 litrdən az olmayaraq maye için. O,iştahanı kəsir, orqanizmdən toksinləri çıxarır, tonusu qaldırır və lazımi mikroelemetnlərlə təmin edir. Bu yaşda ən çox yol verilən səhvlər: Yeməkarası çips, ləbləbi, konfet yemək; səhər yeməyi, naharı və şamı bir yerdə yemək; şaurma(və ya dönəri) və ya hamburqeri qazlı şirin su ilə yemək; həddindən çox tünd qəhvə içmək. Hamiləlik dövründə qadının çəkisi 10-12 kq artır. Əgər bundan artıq çəki yığmısınızsa, deməli kökəlmisiniz. Ona görə də həkimlər hamilələr üçün xüsusi pəhrizlər təqdim edirlər. Hər hansı bir qidadan imtina edəndə mütləq həkimlə məsləhətləşin. Çünki bu doqquz ay sizin və körpəniz üçün çox önəmlidir.

Sizin menyunuz: 25+ yaş
  • Səhər yeməyi: qəhvə və ya adi çay; 2 dilim çörək, kərə yağı.
  • Nahar yeməyi: çiy tərəvəz və ya tərəvəzli şorba. Yadda saxlayın ki, şorbayla hamburqerdən daha tez doyacaqsız. Həm də daha gec acacaqsınız; 150 q ət və ya balıq (və ya 2 yumurta), tərəvəz qarniri; təbii qatıq.
  • Şam yeməyi: çoxlu tərəvəz və meyvə (çiy və ya bir az bitki yağında bişirilən); qatıq  və ya yağsız kəsmik; bitki çayı, itburnu dəmləməsi və ya kefir.

45 yaşdan yuxarı şəxslər üçün

Menopauzadan sonra bir çox qadın kökəlir. Bu,orqanizmdə gedən təbii proseslə əlaqədardır: hormonal aktivlik aşağı düşür, maddələr mübadiləsi ləngiyir. Əvvəlki kimi özünüzü yüngül və cavan hiss etmək üçün düzgün qidalanmanız şərtdir. Ən yaxşı pəhriz hər şeydə normanı gözləməkdir. Orqanizmə kalsium, sink, zülal, C vitamini mütləqdir. Gündə 900-1200 mq miqdarında olan kalsium dişlərin sağlamlığını qorumaq və osteoporozdan uzaq olmaq üçündür. Orqanizminizə süd məhsulları, ləbləbi, mineral su lazımdır. Balıq, dəniz məhsulları, yarmada olan sink hüceyrələrin qocalmasını ləngidən, immun sistemini gücləndirən, sinir sistemini gücləndirən, sinir sisteminə yaxşı təsir göstərən təbii antioksidantdır. Zülal isə əzələlərin elastikliyini və tonusunu qorumaqdan ötrü lazımdır. Ağ ət və balıqda protein daha çoxdur. C vitamini isə hər yaşda lazımdır. Sitrus meyvələri, kivi, giləmeyvə çox yeyin.

Sizin menyunuz: 45+ olanlar üçün
  • Səhər yeməyi: südlü qəhvə, bir dilim çörək,  qatıq .
  • Nahar yeməyi: şorba və ya çiy tərəvəz; 100 qr ət, balıq və ya 2 yumurta; kartof püresi, tərəvəz, pendir-çörək, meyvə.
  • Şam yeməyi: tərəvəzli püre-şorba; ət və ya balıq (naharda nə yediyinizdən aslıl olaraq); qatıq  və ya meyvə salatı.

Leave a Reply

Your email address will not be published. Required fields are marked *

error: Content is protected !!