İribuynuzlu heyvanlar maraqli

Heyvan qanı biznesi

Xarici ölkələrdə elə biznes növləri var ki, Azərbaycanda bu barədə ya heç düşünməyiblər, ya da onun reallaşmasına inanmırlar. Həmin bizneslər böyük gəlir gətirir və ən əsası, bu biznes üçün xammalı demək olar ki, pulsuz tapmaq mümkündür. İllərlə zibil kimi kanalizasiyaya axıdıb, torpaqda basdırdığımız heyvan qanından qardaş Türkiyədə istehsal xammalı kimi istifadə etməyə başlayıblar.

heyvan qanından gübrə

Belə biznes növlərindən biri heyvan qanından gübrə alınmasıdır. Daha əvvəl də bir məqaləmizdə zibilə atılan qoyun yunundan gübrə istehsalı barədə məqalə hazırlamışdıq.

Avropa İttifaqında ət istehlakı üçün kəsilən heyvanların hər bir hissəsi qiymətlidir. Bu ölkələrin bəzilərində kəsilən heyvanların qanından da istifadə olunur. Əvvəllər iqtisadi əhəmiyyəti olmayan, torpağa ya da kanalizasiyaya axıdılan qan artıq müəyyən proseslərdən keçdikdən sonra gübrə olaraq istifadə edilir.

Heyvan qanından gübrə

Bu proses Türkiyədə artıq başlayıb. Qardaş ölkədə iri və xırda buynuzlu mal-qaranın kəsim yerlərində heyvan qanı toplanaraq qurudulacaq və qan unu halına gətiriləcək. Həmin qan unu daha sonra yüksək proteinli balıq və ev heyvanları yemi istehsalında, gübrə qarışımlarında və s. istifadə məqsədilə Avropa ölkələrinə satılacaq.

İri buynuzlu heyvanların ən çox kəsildiyi Afyonkarahisar vilayətində bu məqsədlə yaradılacaq emal müəssisəsi həm gəlir gətirəcək, həm də ətraf mühitin qorunmasına öz tövhəsini verəcək.

Startup layihəsinin müəllifi Yakup Özsoy, ölkə ərazisində kəsilən bütün iri və xırda buynuzlu heyvanların qanını almaq istədiyini bildirib.

Kayseri Regional Veterinar Həkimler Palatasının rəhbəri Zafer Gönülalan, əvvəllər Türkiyədə belə bir təcrübənin olmadığından təəssüfləndiyini qeyd edərək Avropa ilə müqayisədə Türkiyənin daha çox itki verdiyini bildirib. O, “Türkiyə müsəlman əhalisi olan ölkədir, hər il Qurban bayramında milyonlarla heyvan kəsilir, qazanan iqtisadiyyatımız olacaqdır” – deyib. Heyvan qanının əvəzsiz orqanik gübrə olduğuna diqqət çəkən Gönülalan, Avropada Türkiyədən idxal edilən bəzi məhsullara sanksiyalar tətbiq edilməsindən də söz açıb.

O deyib ki, “Avropada heyvanların heç bir hissəsi atılmır. Xüsusilə də qandan delikateslər, qaraciyərdən paştet istehsal edirlər. Qandan həmçinin yem istehsalında da istifadə olunur. Qanın maye hissəsini ayıraraq qatılaşdırlar. Hətta bəzi Avropa ölkələri vətəndaşları heyvan qanından bişirdikləri yeməklərdə də istifadə edirlər. Biz isə Qurbanlıq heyvanların qanından gübrə olaraq istifadə edəcəyik”.

Zafer Gönülalan bildirib ki, iri və xırda buynuzlu heyvanlarda diri çəkilərinin 1/13-ü qədər qan var. Yəni 600 kq diri çəkisi olan inəkdə təxminən 40 kq qan var.

Mənbə.


LEAVE A RESPONSE

Your email address will not be published. Required fields are marked *

Əvvəlki həyatımda developer idim. :)
error: Content is protected !!