Payızlıq əkinləri bəyan etmiş fermerlərin kart hesablarına bugünədək 51,3 milyon manat subsidiya köçürülüb

Payızlıq əkinləri bəyan etmiş fermerlərin kart hesablarına bugünədək 51,3 milyon manat subsidiya köçürülüb

Subsidiyaların köçürülməsi prosesi davam edir

Kənd Təsərrüfatı Nazirliyinin İctimaiyyətlə əlaqələr və informasiya təminatı şöbəsindən AgroExpert.az-a bildirilib ki, martın 6-dək EKTİS-də 474520 fermer qeydiyyatdan keçib. Sistemdə qeydiyyatdan keçirilən təsərrüfatların ümumi sayı isə 596887-yə çatıb. Fermerlərdən 361307 nəfər payızlıq əkinlərini

Fermerlərə payızlıq əkinlərə görə subsidiyaların ödənilməsi prosesi davam edir. Martın 6-dək 155537 fermerin “Fermer kartı”na 51,3 milyon manat subsidiya köçürülüb.  Fermerlərin EKTİS-ə daxil etdiyi torpaq məlumatları və payızlıq əkin bəyanlarının yoxlamaları başa çatdıqca onların adlarına kart sifariş verilir və subsidiya məbləği kart hesablarına köçürülür. Bununla bağlı fermerin mobil telefonuna SMS mesaj, şəxsi kabinetinə isə bildiriş göndərilir.

Martın 6-dək Elektron Kənd Təsərrüfatı İnformasiya Sistemində 474520 fermer qeydiyyatdan keçib. EKTİS-də qeydiyyatdan keçirilən təsərrüfatların ümumi sayı isə 596887-yə çatıb. Fermerlərdən 361307 nəfər payızlıq əkinlərini bəyan edib. Bugünədək EKTİS-də 993718 hektar payızlıq əkin məlumatı bəyan edilib.

Əkin sahələri ilə bağlı rəqəm yekun deyil. Bir neçə günə yazlıq əkinlərlə bağlı da fermerlərdən bəyanların toplanmasına başlanılacaq. Proses may ayının sonunadək davam edəcək. Bu müddət ərzində hansısa səbəbdən EKTİS-də qeydiyyatdan keçməmiş, yaxud əkinini bəyan etməmiş fermerlər qeydiyyat və bəyan prosedurunu tamamlaya bilərlər. Gecikmiş müraciətlər də yoxlamaya yönləndiriləcək, yoxlama proseduru başa çatdıqdan subsidiyalar həmin fermerlərin kart hesablarına köçürüləcək.

Fermerlərin növbəti payızlıq əkinlərini bəyan etmə müddəti isə 1 sentyabrdan etibarən başlayacaq.

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir

error: Content is protected !!

Notice: ob_end_flush(): failed to send buffer of zlib output compression (1) in /hostimul/puwlzqda/public_html/wp-includes/functions.php on line 4669

Notice: ob_end_flush(): failed to send buffer of zlib output compression (1) in /hostimul/puwlzqda/public_html/wp-includes/functions.php on line 4669