Sabirabad rayonunda soğan sahələrindən 5 min tona yaxın məhsul yığılıb

Sabirabadda soğan yığımı yekunlaşmaq üzrədir. Məhsul istehsalçıları bu günədək 336 hektar soğan sahəsinin məhsulunu toplayıblar. Bu da ümumi sahənin 87 faizini təşkil edir.

Rayon Statistika İdarəsindən bildiriblər ki,

Sabirabadlı əkinçilər erkən yazda 8794 hektar sahədə tərəvəz əkiblər. Bunun da 382 hektarını soğan bitkisi təşkil edir. Yığıma mütəşəkkil başlayan torpaq mülkiyyətçiləri qısa müddətdə 336 hektar sahədən 4 min 905 ton soğan toplayıblar. Hər hektarın məhsuldarlığı 146 sentner olub.

Soğan əkini ilə ən çox rayonun Muğangəncə, Moranlı və Nizamikənd kəndlərinin əkinçiləri məşğul olur.

Moranlı kənd sakini Müzəffər Qasımov bu mövsüm 2 hektar sahədə soğan becərib. Məhsul istehsalçısı artıq yığımı başa çatdırıb.

“Becərdiyim sahənin hər hektarından 147 sentner məhsul götürməklə 29 tondan çox soğan toplamışam. Artıq məhsulun yarıdan çoxunu satmışam. Qazancım məni qane edir. Növbəti ildə əkin sahəsini genişləndirərək 2,5 – 3 hektara çatdırmaq fikrindəyəm”, – deyə əkinçi bildirib.

Mənbə

Leave a Reply

Your email address will not be published. Required fields are marked *

error: Content is protected !!