Bitkilər Məhsullar

Sarı qarpızın faydaları

agroexpert_sariqarpizSarı qarpız adi qarpızın bir növüdür. Sarı qarpız əsasən İspaniyada və Tailandda bitir. Lakin son zamanlar bu qeyri-adi giləmeyvə bir çox digər ölkələrdə də (Çin, Misir, Yunanıstan, Rusiya və s.) yetişdirilir.

Sarı qarpız təbii məhsuldur, onun çox xoş şirin dadı var. Yaxşı keyfiyyətli sarı qarpız insan sağlamlığı üçün çox faydalıdır.

Sarı qarpız azkalorili məhsuldur, orqanizmi təmizləyir, sidikqovucu təsirə malikdir. Sarı qarpız A vitamini ilə zəngindir. A vitamini «cavanlıq vitamini» sayılır. Bu vitamin qocalma proseslərini ləngidir, xroniki xəstəliklərin inkişafının qarşısını alır, görmə üçün çox vacibdir.

Həmçinin sarı qarpızın tərkibində B qrupu və C vitaminləri də var. B qrupu vitaminləri sinir sisteminin normal fəaliyyəti üçün olduqca vacibdir, C vitamini isə damarlarımızı möhkəm və elastik edir, immun sistemini möhkəmləndirir.

Sarı qarpızın tərkibində kalium və maqnezium var. Bu iki mineral ürək-damar sisteminin sağlamlığı üçün olduqca vacibdir.

Liflərlə zəngin olan qarpız bağırsaqları təmizləyir. Həmçinin qarpız qaraciyər üçün ən faydalı məhsullardan biridir.

LEAVE A RESPONSE

Your email address will not be published. Required fields are marked *

error: Content is protected !!
%d bloggers like this: