Sərt karantin zonalarında təsərrüfatçılar necə icazə ala bilər?

Bildiyimiz kimi ölkəmizin bir çox ərazilərində sərt karantin rejimi hökm sürür. Fəslin yay olmasına görə kənd təsərrüfatının demək olar ki, bütün sahələrində qızğın iş gedir. Bəs belə bir vəziyyətdə kənd təsərrüfatı ilə məşğul olan şəxslər necə öz işlərini görə biləcəklər?

Sərt karantin zonalarında təsərrüfatçılar nə etməli?

Agroexpert.az xəbər verir ki, “Nazirlər Kabinetinin “Xüsusi karantin rejiminin sərtləşdirilməsi ilə bağlı əlavə tədbirlər barədə” 3 iyul 2020-ci il tarixli 236 saylı qərar verilib. Qərara əsasən, artıq kənd təsərrüfatı məhsullarının becərilməsi üçün digər zonalarda sahələri olan şəxslərin Kənd Təsərrüfatı Nazirliyinin müvafiq qurumlarının arayışı ilə sərtləşdirilmiş xüsusi karantin rejimi tətbiq edilən şəhər və rayonlardan çıxışına və bu şəhər və rayonlara girişinə icazə verilmir”.

sərt karantin agroexpert.az

Daxili İşlər Nazirliyinin Baş Dövlət Yol Polisi İdarəsinin (BDYPİ) ictimaiyyətlə əlaqələr şöbəsinin rəisi, polis polkovniki Kamran Əliyev bununla bağlı məlumat verib.

K. Əliyev deyib ki, qərara əsasən, kimsə fermer təsərrüfatı ilə məşğul olursa, Kənd Təsərrüfatı Nazirliyinin müvafiq qurumları, yaxud yerli icra hakimiyyəti orqanının ərazi nümayəndəlikləri tərəfindən elektron imzadan istifadə edilməklə həmin şəxslər haqqında məlumatlar “icaze.e-gov.az” portalına yerləşdirilməlidir. Həmin şəxslər də öz fəaliyyətləri ilə məşğul ola biləcəklər: “Məsələn, şəxs Bakıda yaşayır, Sabirabadda torpaq sahəsi var və fermer fəaliyyəti ilə məşğuldursa, Kənd Təsərrüfatı Nazirliyinin müvafiq qurumu tərəfindən həmin şəxsin adı məlumatlar “icaze.e-gov.az” portalına yerləşdirilməlidir. Sərtləşdirilmiş xüsusi karantin rejiminin tətbiq olunduğu rayonlarda yaşayan belə şəxslər barədə də məlumatlar yerli icra hakimiyyəti orqanlarının ərazi nümayəndəlikləri tərəfindən “icaze.e-gov.az” portalına yerləşdirilməlidir. Ərazi nümayəndəlikləri də yaxşı bilirlər ki, yerlərdə kimlər hansı təsərrüfat fəaliyyəti ilə məşğul olurlar”.

Qeyd edək ki, Nazirlər Kabinetinin qərarına əsasən, 5 iyul saat 06:00-dan 20 iyul saat 06:00-dək Bakı, Sumqayıt, Gəncə, Lənkəran, Yevlax, Masallı, Cəlilabad, Mingəçevir, Goranboy, Göygöl şəhərlərinin və Abşeron, Bərdə, Samux, Siyəzən, Şəki, Xaçmaz rayonlarının ərazisində sərtləşdirilmiş xüsusi karantin rejimi tətbiq olunub.

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir

error: Content is protected !!

Notice: ob_end_flush(): failed to send buffer of zlib output compression (1) in /hostimul/puwlzqda/public_html/wp-includes/functions.php on line 4669

Notice: ob_end_flush(): failed to send buffer of zlib output compression (1) in /hostimul/puwlzqda/public_html/wp-includes/functions.php on line 4669