meyvə ağacları
Xəbərlər

Cəbhə bölgəsində salınan meyvə bağının ilk barı

Cəbhə bölgəsində yerləşən Tərtər rayonunun Xoruzlu kəndində “Aqropat” MMC tərəfindən intensiv meyvə bağları salınıb…

Meyvə ağacların ilk barı

meyvə ağaclarıCəbhə bölgəsində yerləşən Tərtər rayonunda aqrar sektorun digər sahələri ilə yanaşı, bağçılıq da inkişaf etdirilir, ixracyönümlü müasir təsərrüfatlar yaradılır.

Rayonun Xoruzlu kəndində “Aqropat” MMC tərəfindən intensiv meyvə bağlarının salınmasında da məqsəd xarici bazarlara çıxarmaq üçün rəqabət qabiliyyətli məhsul istehsal etməkdir. 

Təsərrüfatın əməkdaşı Malik Həsənov bölgə müxbiri ilə söhbətində bildirib ki, intensiv bağ salınarkən İspaniya Hollandiyadan dəvət olunmuş mütəxəssislərin tövsiyələri nəzərə alınıb, rayonun beşillik iqlim şəraiti nəzərdən keçirilib.

Araşdırmalar nəticəsində Tərtər rayonunda intensiv bağçılığın inkişaf etdirilməsi üçün müvafiq iqlim şəraitinin, həmçinin məhsuldar torpaqların mövcud olduğu qənaətinə gəlinib.

Yüksək məhsuldarlıq

Fevral ayında 140 hektar ərazisi olan təsərrüfatın 80 hektarında İspaniyaTürkiyədən gətirilmiş yüksək məhsuldar alma, armud, alça, badam, ərik, gilas, gavalı, heyva, xurmaşaftalı tingləri müasir texnologiyalar əsasında əkilib.

Müqaviləyə əsasən, tinglərin alındığı şirkətlər beş il ərzində ağaclara nəzarət edəcəklər. Bu meyvə tingləri əkildikdən 1-2 il sonra bar verməyə başlayır.  4-5 ildən sonra isə ən yüksək məhsuldarlığa çatır.
Yaxşı qulluq olunarsa hər hektardan bu qədər məhsul götürmək mümkündür:

  • 10 ton təmizlənmiş badam;
  • 40 ton şaftalı;
  • 50 tona yaxın armud;
  • 45 ton alma;
  • 40 ton xurma;
  • 25 ton ərik.

meyvə ağaclarıBu il əkilməsinə baxmayaraq, artıq meyvə ağacları ilk barını verib.

Meyvə ağaclarının qorunması

Meyvə ağaclarının küləkdən qorunması üçün bağın kənarlarında 11 min ədəd şam ağacı əkilib. Təsərrüfatda yollara asfalt örtük salınıb, bağın daxilindəki yollara çınqıl tökülərək hamarlanıb. Bağın suvarma suyu ilə təmin olunması üçün 45 min və 21 min kubmetr tutumu olan iki su anbarı inşa edilib.

Tərtərçaydan anbarlara vurulan su motorlar vasitəsilə filtirlərə, sonra isə bağa verilir. Bağda ağacların suvarılması mərkəzləşdirilmiş qaydada elektron sistem olmaqla, damlama üsulu ilə həyata keçirilir.

Hazırda meyvə bağında ağaclara payız qulluğu olunur. Aqronom Asif Zeynalov deyib ki, bağda yaşıl budama işləri ilə yanaşı, ağaclara forma verilməsinə xüsusi diqqət yetirilir. Meyvə ağacına forma verilməsində əsas məqsəd onu barvermə dövrünə keçməyə məcbur etmək və hər il yüksək məhsul götürməyə nail olmaqdır.

Bunun üçün ağacların budaqları əyilərək, lentlə qarğılara bağlanır. Ağacların suvarılmasının damlama üsulu ilə həyata keçirilməsi isə onların inkişafını və məhsuldarlığını artırır.

Tərtər rayonunda yaradılan intensiv bağçılıq təsərrüfatında 30 nəfər daimi, 150 nəfər isə mövsümi işlərə cəlb olunub. Hazırda bağın genişləndirilməsi davam edir. 40 hektarda meyvə bağının salınması üçün beton dirəklər basdırılır. Gələcəkdə məhsulun yığılması üçün plastik qablar istehsal edilməsi və soyuducu anbarın inşası da nəzərdə tutulur.

Mənbə

LEAVE A RESPONSE

Your email address will not be published. Required fields are marked *

error: Content is protected !!