7 xəstəliyin dərmanı çaytikanı yağı
Çaytikanı yağı qədim zamanlardan bəri yüksək qiymətləndirilir və müalicəvi vasitə kimi geniş istifadə olunur. Keçmişdə çaytıkanı “padşah giləmeyvəsi”, ondan hazırlanmış yağı isə “qızılı yağ” adlandırırdılar.
Çaytikanı yağı həm xalq, həm də ənənəvi tibdə müxtəlif xəstəliklər və pozulmalar zamanı çox geniş istifadə olunur.
1. Çaytikanı yağı müxtəlif dəri xəstəliklərinin müalicəsində də geniş istifadə olunur. (psoriaz, neyrodermit, dəmrov, ekzema, piodermiya və s.) Həmçinin
2.Çaytikanı yağı proktit (düz bağırsağın iltihabı), babasil, anal çatları zamanı da yaxşı müalicəvi effekt verir. Bu məqsədlə tərkibində çaytikanı yağı olan şamlar istifadə olunur.
3. Mədə və 12 barmaq bağırsağı xorası xəstəliyi müalicəsində çox effektli köməkçi vasitə kimi istifadə olunur. Çaytikanı yağı mədənin turşuluğunu azaldır, mədə-bağırsaq sisteminin selikli qişalarını qoruyur və onların bərpa olunmasına kömək edir.
4. Stomatoloqlar çaytikanı yağını damaqların iltihablarının müalicəsində istifadə edirlər. Bunun üçün steril pambıq çaytikanı yağında isladılır və damaqlara qoyulur.
5. Çaytikanı yağı gözlər üçün xüssilə faydalıdır. Belə hesab olunur ki, bu yağ müxtəlif göz xəstəliklərinin (katarakta, qlaukoma və s.) inkişafının qarşısını alır. Bundan əlavə çaytikanı yağı gözün buynuz qişası travmaları və yanıqları, keratitin kompleks müalicəsində köməkçi vasitə kimi istifadə olunur.
6. Çaytikanı yağı ginekologiyada da geniş istifadə olunur. Bu yağ kolpit, endometrit, vaqinit, servisit kimi xəstəliklərin kompleks müalicəsində istifadə olunur. Xüsusilə çaytikanı yağı uşaqlıq boynu eroziyası və uşaqlıq yolu selikli qişaların travmaları zamanı tez-tez istifadə olunur. Müalicə zamanı çaytikanı yağında isladılmış steril tampon uşaqlıq yoluna qoyulur. Adətən 10-15 belə prosedur təyin olunur. Selikli qişalar tez bir zamanda bərpa olunur və müalicənin nəticəsi davamlı olur.
7. Ürək-damar sistemi xəstəliklərinin müalicəsi və profilaktikası üçün olduqca faydalıdır. Bu yağının tərkbində olan doymamış yağlı turşular, flavonoidlər, kumarin kimi qiymətli maddələr damarların divarlarını möhkəmləndirir, onları daha elastik edir, damarlarda trombların əmələ gəlməsinin və aterosklerozun qarşısını alır.
Ənənəvi tibb bu yağı müxtəlif yanıqların (gün, termik, kimyəvi), çətin sağalan yaraların, yataq xəstələrində əmələ gələn yaraların müalicəsində istifadə edir.
