Ukraynada çiyələk qiymətinin sürətlə azalma səbəbi

EastFruit layihəsinin gündəlik monitorinqinə əsasən, son günlərdə Ukrayna bazarında yerli çiyələk tədarükü artmaqda davam edir, lakin buna baxmayaraq bu məhsula tələb son dərəcə aşağı səviyyədə saxlanılır.

Yerli çiyələk seqmentində tələbin azalmasının ən  əsas səbəbi isə onun aşağı keyfiyyətdə olmasıdır.

Beləliklə, bu gün ukraynalı çiyələk istehsalçıları məhsullarının 1 kilosunu 40-55 qriven (1.50-2.06 dollar) qiymətində satışa təqdim edirlər ki, bu da bir həftə əvvələ nisbətən orta hesabla 29% daha ucuzdur.

İstehsalçılar yerli təsərrüfatlarda çiyələyin tədarükünün sürətlə artması səbəbindən bu seqmentdə qiymətləri azaltmağa məcbur olurlar, bu məhsullara tələb isə kifayət qədər məhdudlaşdırılır. Eyni zamanda, əksər bazar operatorları cari mövsümdə standart olmayan giləmeyvə nisbətinin kifayət qədər böyük bir faizə sahib olduğunu deyirlər.

Güclü yağış, əlverişsiz hava şəraiti və soyuqlar yerli bağ çiyələyi məhsulunun keyfiyyət xüsusiyyətlərinin əhəmiyyətli dərəcədə azalmasına səbəb olub

Ancaq buna baxmayaraq qeyd etmək lazımdır ki, bu günə qədər Ukrayna bazarında çiyələk məhsulu tədarükü hələ də çox az qalmaqdadır. Bazarın əsas iştirakçılarının dediyinə görə, cari mövsümdə əlverişsiz hava şəraiti ilə əlaqədar yerli məhsulları keçən ilə nisbətən daha aşağı olacaq.

Qeyd edək ki, ötən ilin iyun ayının əvvəlində bazarda çiyələk tədarükü bugünkü ilə müqayisədə daha çox idi. Nəticədə, gərgin rəqabətin təzyiqi ilə Ukrayna bağbanları bu giləmeyvəni bu gündən orta hesabla 40% ucuz satmaq məcburiyyətində qalırlar.